ԱՐՁԱԳԱՆՔՆԵՐ
Հայոց Ցեղասպանութեան խորհրդով օծուն «Փրկութեան Քարտէզ» ֆիլմը գեղեցկագոյն եւ հիանալիօրէն խօսուն վկայութիւններից մէկն է մեր ժողովրդի խաչելութեան եւ գողգոթացեալ կեանքին…
Սեպուհ Արք. Սարգսեան
Առաջնորդ Թեհրանի Հայոց Թեմի
«Փրկության քարտեզ»-ը ցնցող ֆիլմ է: Հայ իրականության մեջ ամենաարժանապատիվ ֆիլմերից մեկը… սոսկալի ցավի հետ զուգահեռ ապրեցի նաև անասելի հպարտություն՝ մեր ցավը կիսողի, մեր ցավը հասկացողի և զգացողի մասին այսպիսի ձոն իրականացնելու կարելիության համար:
Հասմիկ Պապյան
Օպերային երգչուհի, ՀՀ ժողովրդական արտիստ
Ինձ բավականին դուր եկավ «Փրկության քարտեզ» ֆիլմը, որը շատ առումներով տարբերվում է ցեղասպանության թեմայով նկարված այլ կինոնախագծերից՝ հատկապես, որ այն նվիրված է հայ ժողովրդի երախտավորներին, օտարազգի միսիոներ կանանց: Ֆիլմը նկարահանված է վարպետորեն՝ ժամանակակից կինոյի լեզվով: Շնորհակալություն բոլոր նրանց, ովքեր մասնակցել են ֆիլմի ստեղծմանը:
Ռոման Բալայան
Կինոռեժիսոր, Ուկրանիայի ժողովրդական արտիստ
ԽՍՀՄ Պետական մրցանակի դափնեկիր
Հարյուր տարի անց ստեղծված «Փրկության քարտեզ» ֆիլմի հեղինակները կարողացել են 90 րոպեների ընթացքում, մեր ժողովրդի նվիրումի, երախտագիտության ու գնահատանքի խոսքն ասել Եվրոպացի 5 գթասիրտ և խիզախ կանանց ճակատագրերի և մարդկային մեծ առաքինությունների մասին: Իմ և դեսպանության անձնակազմի կողմից մեր երախտիքի խոսքն ենք հղում ֆիլմի ստեղծագործական խմբին, մաղթում ստեղծագործական նոր հաջողություններ և հույս հայտնում, որ համահայկական նշանակության և գեղարվեստական բարձր արժեքի նոր ֆիլմերի ստեղծման ականատեսը կլինենք:
Արտաշես Թումանյան
Իրանում ՀՀ արտակարգ և լիազոր դեսպան
Այս ֆիլմը անհնար է առանց հուզմունքի դիտել՝ անգամ երկրորդ, երրորդ անգամ։
Միևնույն է, ֆիլմը հուզում է, ցնցում, որովհետև հայտնի փաստերը մատուցվել են ֆիլմարվեստի լեզվով, գեղարվեստական բարձր մակարդակով:
Թող չափազանցություն չհամարվի, բայց անցած տասնամյակների ընթացքում գիտական բարեխղճությամբ, հայրենասիրական պարտքի զգացումով ստեղծված բազմաթիվ վավերաթղթերը միասին վերցրված թերևս չցնցեին մեզ, ինչպես այս ֆիլմը։
Ալեքսանդր Թոփչյան
Գրաքննադատ, գրող, թարգմանիչ,
ՀՀ Նախագահի մրցանակի դափնեկիր
«Փրկության քարտեզը» հայոց պատմության մի հրաշալի անդրադարձ է:
Ինձ համար ապշեցուցիչ էր, թե ինչպես են ֆիլմի հեղինակները դիտակետ դարձրել ցեղասպանությունը,որը դեռևս ոչ մի ֆիլմում համապատասխան ձևով չի ներկայացվել: Սա մի հիանալի ստեղծագործություն է, լիովին յուրօրինակ թեմայով: Դա կլինի շատ լավ ժեստ,այս տեսակի ստեղծագործությունների պատասխանատուների կողմից՝ հեղինակներին տալու հնարավորություն շարունակելու ստեղծել նման ֆիլմեր՝ նվիրված հայոց պատմությանը (և հատկապես Հայոց ցեղասպանությանը):
Իոաննիս Կ. Հասսիոտիս
Սալոնիկի Արիստոտելի համալսարանի
Ժամանակակից պատմության պատվավոր պրոֆեսոր
Գուցե հարցնեն՝ ինչու՞ նկարել նման ֆիլմ պատմության այդ սարսափելի ժամանակների մասին: Մի՞թե չպետք է մենք պարզապես մոռանանք և շարունակենք մեր կյանքը: Իմ պատասխանն է՝ կարևոր է, որպեսզի չվերարտադրվի պատմությունը: Գուցե ես միամիտ եմ, սակայն եկեք սովորե՜նք պատմությունից՝ այլևս ո՜չ մի ցեղասպանություն: Շնորհակալություն ստեղծագործական ողջ խմբին և «ՄանՓիքչերս» Փրոդաքշընին՝ գրեթե մոռացված ցեղասպանության մասին նման կարևոր ֆիլմ մեզ ներկայացնելու համար։
Քեյթ Ռոյստեր
Գրող, «Կարեն Յեփփեն և հայ ժողովուրդը. Մի կյանք, մի կանչ» գրքի հեղինակ
Առաջին իսկ ցուցադրումից հետո «Փրկության քարտեզ» ֆիլմը նշանակալից երևույթ դարձավ այսօրվա հայկական կինոյում: Թե՛ թեմայի, թե՛ գեղարվեստական և վավերագրական կադրերի մոնտաժի և հատուկ գրված երաժշտության, պատկերի ու ձայնային ձևավորման առումով՝ այն բարձրակարգ գեղարվեստական կինոնկարագրություն է:
Ներսես Հովհաննիսյան
Կինոռեժիսոր
ՀՀ ժողովրդական արտիստ, ՀՀ Պետական մրցանակի դափնեկիր
Այս ֆիլմը գեղեցիկ հարգանքի տուրք է այն հինգ կանանց հիշատակին, ովքեր երկար տասնամյակներ շարոնակ, արտասովոր նվիրվածությամբ աջակցել և օգնել են հայերին: «Փրկության քարտեզն» արդեն ճանաչվել է, որպես Հայոց ցեղասպանության մասին նկարահանված տասը ֆիլմերի ցանկում որոնք պետք է դիտել: Իր յուրօրինակ ուղղվածությունով և բարձր տեխնիկական ստանդարտով, այն ունի այն ամենը, ինչը անհրաժեշտ է դասական ֆիլմ դառնալու։
Սվանտե Լունդգրեն
Աբո Ակադեմի համալսարանի դոցենտ (Ֆինլանդիա),
Լունդի համալսարանի գիտաշխատող (Շվեդիա)
«Փրկության քարտեզը» գեղեցիկ ֆիլմ է: Այն գեղարվեստական չէ,այլ փաստավավերագրական, որտեղ ականատեսների վկայությունները պատմում են իրական դեպքերի մասին: Այս ֆիլմը կարևոր է, որպեսզի մարդիկ իմանան Հայոց ցեղասպանության և 20-րդ դարի հումանիստական շարժման, ինչպես նաև այս ֆիլմի հերոսուհիների մարդկային առաքելության մասին:
Մոգենս Հոյմարք
Գուլլինգի պատմական թանգարանի տնօրեն, Դանիա
«Ռուֆ Սինեմա» կինոփառատոնի շրջանակներում տեղի ունեցավ «Փրկության քարտեզ» ֆիլմի պրեմիերան, որն անցավ լեփ-լեցուն դահլիճում: Այն ապշեցուցիչ ֆիլմ է գթասրտության և մարդասիրության դրսևորման մասին, որի թեմատիկ կարևորությունը հանդիսատեսը շեշտադրեց իր արձագանքներում։
Ռոման Բուդնիցկի
«Ռուֆ Սինեմա» կինոփառատոնի հիմնադիր
«ՄԱՆ ՓԻՔՉԵՐՍ» ՓՐՈԴԱՔՇԸՆԻ ՄԱՍԻՆ
Հիմնադրման տարեթիվը՝ 2007 թ.։
Հիմնադիր տնօրեն՝ Մանվել Սարիբեկյան, ՀՀ քաղաքացի։
Հասցեն՝ ՀՀ, Երեւան 0014, Ադոնցի 5, #5։
Հեռախոս՝ +374 91 01 22 10։
Էլփոստ՝ manfilmstudio@yahoo.com, info@manpictures.am
Պաշտոնական կայք՝ manpictures.am
